Журналист Сандуғаш Дүйсенова ұсталды
Талдықорғанда белгілі журналист, азаматтық белсенді Сандуғаш Дүйсенова ұсталды.
Алматы, NEGE. Қолда бар ақпарат бойынша, Сандуғаш Дүйсенова ҚР Қылмыстық кодексінің 147-бабы ("Жеке өмiрге қолсұғылмаушылықты және Қазақстан Республикасының дербес деректер және оларды қорғау туралы заңнамасын бұзу") бойынша ұсталды.
Сандуғаш Дүйсенова – Жетісу мен Алматы облыстарына белгілі журналист. Оның Instagram-дағы парақшасына 48 мыңнан астам адам жазылған. 2023 жылғы наурызда ол бір мандатты сайлау округі бойынша Қазақстан Республикасы Мәжілісінің депутаттығына үміткер болды.
