Журналист Сандуғаш Дүйсенова кепілмен босатылды
Жетісу облысының полиция департаменті журналист және азаматтық белсенді Сандуғаш Дүйсенованың ұсталғанын растады.
Алматы, NEGE. Полиция департаментінің хабарлауынша, 11 тамызда журналист Сандуғаш Дүйсенова Талдықорғанда ұсталған. Ол Қазақстан Республикасы Қылмыстық кодексінің 147-бабы 5-бөлігі бойынша қозғалған қылмыстық істің фигуранты.
"Дүйсенова қалалық ішкі істер бөліміне жеткізілді. Ол кінәсін мойындап, процессуалдық шараларды жүргізгеннен кейін ешқайда кетпеу туралы кепілдікпен босатылды", - делінген полиция хабарламасында.
Тергеу мүддесі үшін іс бойынша басқа мәліметтер жария етілмейді.
