Жаңа облыстың жүргізушілері көлік нөмірін ауыстыра ма?
Жаңа үш облыстың тұрғындарына тіркеу белгілері берілді. Алайда жүргізушілер қазіргі көлік нөмірлерін ауыстырудың қажеті жоқ. Бұл туралы ішкі істер министрлігінің өкілі Шұғыла Тұрлыбек брифингіде айтты.
Алматы, NEGE. "Қазақстанда көлік құралының тіркелген өңірін белгілеу үшін тиісті цифрлық белгі қолданылады. Мемлекеттік тіркеу нөміріндегі реттік сан өңірдің атауына байланысты мемлекеттік тілдегі әліпби ретімен беріледі", - деді ол.
Яғни өңірлерге:
Абай облысы – 18;
Жетісу облысы – 19;
Ұлытау облысы – 20 деген тіркеу нөмірі берілді.
