«Жағдай нашар». Дәурен Абаевтың "Қазақфильм" шығындарын айтуға аузы бармады
Мәдениет және спорт министрі Дәурен Абаев "Қазақфильм" киностудиясының прокатқа шыққан фильмдерінің нешеуі шығынды өтегенін айтудан бас тартты. Бұл туралы inbusiness.kz хабарлады.
Алматы. NEGE. "Қазақфильм" киностудиясы 30 жыл ішінде 600 картина түсірді, оның тек 52-сі ғана прокатқа шықты. Ал прокатқа шықандардың ішінде нешеуі шығынды өтегенін айтпай-ақ қояйын. Өйткені айтқандарымыздың арасынан барлығы осы санды ғана жаттап алатыны анық. Бір айтарымыз, жағдай нашар. Шындық осы. Жағдайды талдап, мәселені шешуіміз керек", - деді Абаев мәдениет және спорт министрлігінің алқа мәжілісінде.
Абаев жиыннан кейін де осыны сұраған журналистерге "әзірге айта алмаймын" деді.
