Вакцина салдырғандарға арнайы QR-код беріледі
Коронавирусқа қарсы вакцина алғандарға арнайы QR-код беріледі, деп хабарлайды «Хабар 24».
Алматы, NEGE. Онда адамның екпе алғаны туралы толық мәлімет болады. Денсаулық сақтау министрі Алексей Цойдың айтуынша, ақпарат EgovMobile қосымшасына енгізіледі.
Айта кетейік, елдегі медициналық мекемелерде вакциналау жүріп жатыр. Алғашқы кезеңде Ресейдің «Спутник V» екпесі қолданылса, кейін қазақстандық үлгісі шығарылады. Бұл шара елдегі эпидемиологиялық жағдайды жақсартуы тиіс. Алдымен инфекциялық ауруханаларда, жедел-жәрдем қызметінде, жансақтау және қабылдау бөлімінде жұмыс істейтін адамдар вакцина алады. Жыл аяғына дейін 6 млн қазақстандыққа екпе егіледі.
