2026 жылы несие алу қиындайды
Ұлттық банк қарыз жүктемесі коэффициентінің (ҚЖК) шекті деңгейін төмендетуді қарастырып жатыр.
Астана, NEGE. Ведомства басшысы Тимур Сүлейменов бұл мәселеге қатысты шешім 2026 жылдың бірінші жартыжылдығында қабылданатынын айтты.
«Біз қарыз жүктемесі коэффициентінің (ҚЖК) шекті деңгейін төмендету қажеттілігін, сондай-ақ есепке алынатын кірістер құрамын өзгерту мүмкіндігін қарастырамыз. Еске салайын, ҚЖК қазіргі мәні – 0,5», – деді ол парламент сенатының пленарлық отырысында.
Қарыз жүктемесі коэффициенті – бұл банктер тұрғындарға несие бергенде ескеретін көрсеткіш. Қазіргі шегі – 50%, яғни адамның барлық несие төлемдері оның айлық табысының жартысынан аспауы керек.
Сонымен қатар, 2026 жылдың бірінші жартыжылдығында Ұлттық банк Қарыз бен табыс коэффициентін (ҚТК) енгізеді, ол банктерге несие алушыларды қатаңырақ бағалауға мүмкіндік береді.
