ҰҚК Назарбаевтың қайын ағасы Есполовтың ұсталғанын растады

Астана, NEGE. Бұл туралы ведомства Tengrinews.kz сайтының ресми сауалына берген жауабында айтқан.

«Аталған факті бойынша ҚР ҰҚК алдын ала тергеу жүргізіп жатқанын хабарлаймыз. Басқа ақпарат Қылмыстық-процестік кодекстің 201-бабының 1-бөліміне сәйкес жариялауға жатпайды», – делінген ҰҚК хабарламасында. 

Айта кетейік, Айдос Есполов – қазақстандық кәсіпкер және бұрынғы мемлекеттік қызметші. Ол Еуразиялық технологиялық университеттің құрылтайшыларының бірі болған.

Бұған дейін ол мұнай өңдеу зауытының коммерциялық директоры, Сенат аппараты басшысының көмекшісі, Ақтөбе әкімінің орынбасары секілді лауазымды қызметтер атқарған. 

Сонымен қатар, Есполов Нұрсұлтан Назарбаевтың тоқалы Әсел Құрманбаеваның туған бауыры.