Түркиядағы президенттік сайлауда Ердоған алда келе жатыр
Түркияда 14 мамырда президенттік және парламенттік сайлау өтті.
Алматы, NEGE. Президенттікке үш үміткер бар: қазіргі президент 69 жастағы Ердоған Республикалық альянс атынан жалғыз кандидат, 74 жастағы Кылычдароғлұ оппозициялық Халық альянсынан және 55 жастағы Синан Оган Ata альянсынан. Төртінші үміткер «Мемлекет» партиясының жетекшісі Мухаррем Инже сайлауға үш күн қалғанда өз кандидатурасын алып тастады.
Соңғы мәліметке сүйенсек, қазіргі президент Режеп Тайып Ердоған басым дауыспен алда.
Түркияның Жоғары сайлау кеңесі алдын ала нәтижелерді түнде жариялауға уәде берді. Соңғы нәтижелер 19 мамырда ресми газетте жариялануы тиіс.
