Түркістан облысында тігін цехы ашылды
Төлеби ауданында жалпы құны 735 млн теңгені құрайтын 2 ірі инвестициялық жоба іске асырылды. Нәтижесінде 250 адам жұмыспен қамтылды.
Алматы, NEGE. Қазіргі таңда Ленгір қаласынан құны 550 млн теңге болатын «KAZPLAST» ЖШС киім тігу цехының құрылыс жұмыстары жүргізілуде. Жоба 2022 жылы іске қосылса, 250 адам жұмыспен қамтылады. Сондай-ақ «Балмұздақ» ЖШС өнім көлемін ұлғайту мақсатында құрал-жабдықтар алуға 185 млн теңгеге инвестиция тартып отыр. Ауданда өнеркәсіп саласында 2021 жылдың басынан 36 млрд 236 млн теңгенің өнімі өндірілген.
«Ауданда негізгі капиталға бағытталған инвестициялар көлемі 2021 жылдың 9 айында 10 млрд 946 млн теңгеге жетіп, былтырғы жылдың тиісті кезеңімен салыстырғанда 14,6 пайызға артты. Сондай-ақ ауданда 7 163 кәсіпкерлік субъектісі жұмыс істейді. Оларда жұмыспен қамтылғандар саны — 15 902 адам. Кәсіпкерлік субъектілернің өндірген өнім көлемі 33 млрд 317 млн теңгені құрады», — деді аудан әкімі Төлеген Телғараев.
