Төтенше жағдайлар министрлігі Алматы аспанында тікұшақтар ұшатынын ескертті
Алматыда бекітілген кестеге сәйкес, жақын күндері ҚР Төтенше жағдайлар министрлігі авиациялық бөлімдерінің оқу-жаттығуын өткізуді жоспарлап отыр.
Алматы, NEGE. Төтенше жағдайлар департаментінің хабарлауынша, тренингтің мақсаты - ұшу құрамының биік ғимараттардағы, сол секілді дала өрттерін сөндіру кезінде арнайы құралдарды қолдану тәжірибесі сыналады. Атап айтқанда, су шашу құрылғылары мен өрт сөндіру қондырғыларын, сондай-ақ жердегі құтқару бөлімшелері тексеріледі.
Осыған байланысты Іле-Алатау мемлекеттік ұлттық табиғи паркінің Медеу өңірлік бөліміне қарасты Аюсай шатқалында тікұшақтарды байқауға болады.
