Талдықорғанда оқушы қызды бірнеше жасөспірімнің соққыға жыққан видеосы тарады
Әлеуметтік желілерде талдықорғандық оқушы қыздар төбелесінің видеосы тарады.
Алматы, NEGE. Қыздардың не үшін жанжалдасқаны белгісіз.
Ведомство мәліметінше, оқиға Талдықорғандағы пәтерлердің бірінде сабақтан тыс уақытта болған.
"Облыс әкімдігі білім басқармасының, құқық қорғау органдарының, білім беру саласындағы сапаны қамтамасыз ету департаментінің өкілдерінен тұратын арнайы комиссия құрылды. Олар оқитын мектептің тәрбие жұмысына тексеру жүргізіледі. Зардап шеккен қызға барлық қажетті психологиялық көмек көрсетіледі. Дене күшін көрсеткен қыздарды одан әрі оқыту мәселесі қаралатын болады", - деп хабарлады өңірдің білім басқармасы.
