ШҚО: 4200 тоннадан астам пішен жанып кетті
Шығыс Қазақстан облысының өрт сөндірушілері бір күнде 4 жалынды сөндірді.
Алматы, NEGE. ШҚО ТЖД баспасөз қызметінің мәліметіне сүйенсек, Ұлан ауданында жеке тұрғын үй ауласында шаруашылық қора-жай мен 5 тонна шөп өртенген. Жалын шарпыған аумақ – 100 шаршы метрді құрады. Өрттің шығу себебі – отты абайсыз қолданудан болуы мүмкін. «Алтай ауданында жекеменшік гаражда өрт болды. Алдын ала мәлімет бойынша оттың шығу себебі – электр жабдықтарын монтаждау және пайдалану кезінде өрт қауіпсіздігі талаптарын сақтамау. Сондай-ақ Жамбыл көшесіндегі жер үй ауласында 10 тонна шөп жанған. Өрттің шығуына – отты абайсыз қолдану себеп болды», - делінген ақпаратта.
Бұдан бөлек, Жарма ауданындағы «Омбы-Майқапшағай» тасжолының бойында орналасқан шаруа қожалығында 125 тонна пішен өртенді. Жалпы өңір бойынша жыл басынан бері 4200 тоннадан астам пішен жанып кеткен.
