Сәуірдің соңғы күндеріне арналған ауа райы болжамы жарияланды
Синоптиктер 29 сәуір мен 1 мамыр аралығына арналған ауа райы болжамын жариялады.
Алматы, NEGE. Қазақстанның басым бөлігінде ауа райы тұрақсыз болады.
Найзағай ойнап, жаңбыр жауады, түнде солтүстікте, орталықта, шығыста жаңбыр мен қар түрінде жауын-шашын болады, оңтүстік-шығыстың таулы аймақтарында кейде бұршақ жауады. Қазақстан бойынша жел күшейіп, тұман түседі; оңтүстік өңірлерде шаңды дауылдар тұрады.
"Айдың соңында Қазақстанның басым бөлігінде температура төмендейді. Солтүстікте, солтүстік-батыста, орталықта түнгі уақытта 1-7 градусқа дейін аяз болады, шығыста 1-10 градусқа дейін төмендейді", - делінген хабарламада.
