«Самұрық-Энерго» серфинг тақтасы не үшін керек екенін айтты
Nege.kz порталында «Богатырь Көмір» басшылығына серфинг тақталары не үшін керек?» деген материал жарияланған болатын. Бүгін «Самұрық-Энерго» АҚ серфинг тақталарының не үшін керек екенін айтты.
Алматы, NEGE. «Самұрық-Энерго» АҚ-ның мәлімдеуінше, 3 млн теңгеге сатып алынатын серфинг тақталары Баянауылдағы демалыс орны үшін қажет көрінеді.
«Баянауылда кеншілердің демалыс орталығы бар. Мұнда шахтерлер ғана емес, денсаулығын түзегісі келген кез келген адам демала алады. Орталықта катамаран, қайықтар, батуттардан бөлек, ескегі бар қайықтар да қажет. Мұны каноэ немесе каяк деп атауға да болар. Ескегі бар тақтайшаларды таппағандықтан, «серфингке арналған тақтайша» деп ұқсас категорияны жазған», – дейді «Самұрық-Энерго» АҚ басчпасөз хатшысы Ринат Тасболатов.
