Полицейлер митингте қайтыс болған адамдардың мүрдесін қазып жатыр (видео)
Журналист Айжан Хамит Facebook парақшасында митингте қайтыс болған адамдардың мүрдесін қазып жатқан полиция қызметкерлерінің видеосын жариялады.
Алматы. NEGE. «Барлық елдердің БАҚ өкілдеріне жүгінгім келеді. Мен бұл бейнежазбаны кез келген жерге жіберуге дайынмын. Полицейлер митингте қаза болған адамның мәйітін қазып алып жатыр. Себебі, оларға «террористердің» денелері қажет», – деп жазды ол.
Бұған дейін Айжан Хамит соңғы күндері митинг кезінде қаза тапқан азаматтардың үйіне құқық қорғау қызметкерлері келіп, қазба жұмыстарын жүргізу үшін мәйітті қазып алуға құқы бар қағазын, сот шешімін әкеліп жатқанын айтқан еді.
