Павлодарда 17 көшеге қазақ тұлғаларының есімі беріледі
Павлодар облысы мен қаласындағы 17 көшеге көрнекті қазақ тұлғаларының есімі беріледі. Бұл туралы облыстық мәслихаттың қаулысы «Ашық НҚА» сайтында жарияланды.
Нұр-Сұлтан, NEGE. «Мир көшесі – Олжабай батыр, Урицкий көшесі – Генерал Смағұлов, 1-я Южная көшесі – Бірлік, 2-я Южная көшесі – Кәукен Кенжетаев, Парковая көшесі – Мұқағали Мақатаев, Донецкая көшесі – Мағжан Жұмабаев, Кубанская көшесі – Қалмұқан Исабай, Совхозная көшесі – Рафиқа Нұртазина, Таганрогская көшесі – Қазанғап би, Ангарская көшесі – Нағымбек Нұрмұхаммедов, Читинская көшесі – Аманжол Шәмкенов, Декабристов көшесі – Қамар Қасымов, Юннатов көшесі – Дихан Әбілев, 1 және 2 Советов көшесі – Генерал Бәкіров, Зыряновская көшесі – Қабдыкәрім Ыдырысов, Саянская көшесі – Алма Әжібаева, Лесная көшесі – ағайынды Дүйсембиновтер көшесі болып өзгертілсін», – делінген қаулыда. Құжатқа сәйкес, көшелердің атауын өзгертуге жергілікті бюджеттен қаржы бөлінбейді. Қаулы 10 күннен кейін күшіне енеді.
