«Пәтер»: 21 ұрлық ашылды
Шымкент қаласы аумағында мамыр айының 19 мен 21 күндері аралығында «Пәтер» жедел-профилактикалық іс-шарасы өткізілді.
Алматы, NEGE. Аталған іс-шараның мақсаты – пәтерлер мен үй иеліктерінен ұрлыққа байланысты қылмыстардың алдын алу, жолын кесу және ашу болып табылады. Шара кезінде полицейлер халық арасында өз мүліктерін сақтау туралы түсінік жұмыстарын жүргізді.
Екікүндік шара барысында барлығы 21 пәтер ұрлығы ашылды. Нақтырақ айтатын болсақ, Абай АПБ бойынша 4 қылмыс, Әл-Фараби АПБ бойынша 6, Еңбекші АПБ бойынша 6, Қаратау АПБ бойынша 5 қылмыс деректері ашылды.
Көптеген қылмыстарды жасауға ықпал ететін факторлар жәбірленушілердің өз мүлкіне жауапсыз қарауы, сондай-ақ олардың шектен тыс сенушілігі болып табылады. Сондықтан да, Шымкент қаласының полиция қызметкерлері азаматтарды қырағы болуға және өз мүлкінің сақталуын қамтамасыз ету шараларын жасауға шақырады.
