Танымал бьюти-блогер өзіне қол жұмсады
Өзбекстанда 23 жастағы косметолог блогер Гузаля Махматкулова терезеден секіріп, қаза тапты.
Алматы, NEGE. Бұл туралы Gazeta.uz сайты хабарлады. Қайғылы оқиға 12 желтоқсанға қараған түні Самарқанд қаласында болды. Елдің Бас прокуратурасы қыздың көпқабатты үйдегі пәтердің терезесінен секіріп, өз-өзіне қол жұмсағанын растады.
Құқық қорғаушылар қызды өз-өзіне қол жұмсауға итермеледі деген болжам жасады. Олардың мәліметінше, Гузаля Махматкулова күйеуі мен енесінің қысымын көрген.
«Марқұмның тұрмыстық зорлық-зомбылыққа ұшырағаны анық, сол себепті қайтыс болған шығар. Оны өз-өзіне қол жұмсауға итермеледі деген болжамдар бар. Біз Самарқанд прокуратурасының тексеру нәтижесін күтеміз», делінген Nemolchi.uz қорының мәлімдемесінде.
Қазіргі уақытта прокуратура тергеуге дейінгі тексеру жүргізіп жатыр.
Гузаля Махматкулова – әлеуметтік желіде танымал болған Өзбекстанның танымал косметологі. Интернетте 23 жастағы бойжеткен негізінен сұлулық пен эстетикалық медицина туралы айтатын.
