Оппозициялық кандидат баспасөз мәслихатын өткізе алмады
Оппозициялық Жалпыұлттық социал-демократиялық партиясынан (ОСДП) президенттікке үміткер Нұрлан Әуесбаев Астанада баспасөз мәслихатын өткізе алмады, - деп хабарлады
Tengrinews.kz.
Алматы, NEGE. Партияның Facebook желісіндегі парақшасында бүгін "Марден" бизнес орталығында БАҚ өкілдерінің қатысуымен баспасөз мәслихаты жоспарланғаны, бірақ оны өткізу мүмкін болмағаны туралы жазды.
"Біз науқан алдындағы іс-шаралардың аралық нәтижелерін жариялауды жоспарлаған болатынбыз. Бірақ іс-шара басталар алдында бізге бизнес орталығында төтенше жағдай жұмыстары жүріп жатқанын айтып, бізді мәжіліс залына кіргізбей қойды. Ал орталықтың басқа жалға алушылары қалыпты жағдайда жұмыстарын жалғастырды. Апаттың жойылуы оларға ешқандай әсер еткен жоқ", - деп жазылған хабарламада.
