Он жыл ойран салған Қожамжаров та құрықталды
Егер шенеуніктерді балыққа теңеп бейнелесек, дәрежелеріне қарай олардың әрқайсысын су мекенінің әртүрлісіне ұқсатар едік. Біреу шабақ, біреу шортан, біреу жайын, біреу акула, енді біреу кит деген сияқты. Шенеуніктердің лауазымы мен жүйедегі салмағына байланысты осылай саралап атайтындар аз емес.
Сыбайлас жемқорлыққа немесе өзге қылмыстарға қатысты торға түсіп жатқандарға байланысты ішінде шабағы көп екен, жайындар мен акулалар некен-саяқ қой деп жатады. Акула керек болса, міне, атынан ат үркіп келген Қайрат Қожамжаров торға түсіп, шоршып, бұлқынып бағуда. Енді торды жағаға сүйреп шығу қана қалып тұр. Қожамжаров ісі жайлы Nege.kz ақпараттық сараптамалық порталы егжей-тегжейлі сапартау материалын берген екен. Соның ішінен кей жерлерін назарларыңызға ұсынсақ дейміз. Себебі мұндай акулалардың торға түсуі күнде бола беремейді.
