Нұрсұлтан Тұрсынов әлемдік доданы сәтті бастады
Норвегияның Осло қаласында күрестен әлем чемпионаты аяқталуға жақын.
Алматы, NEGE. Бүгін грек-рим күресінің шеберлері 63, 67 және 87 келі салмақта сынға түседі, деп хабарлайды Olympic.kz.
Қазақстандық Нұрсұлтан Тұрсынов әлемдік доданы сәтті бастады. 87 келіге дейінгі салмақта бақ сынайтын ол іріктеу кезеңінде украиналық Юрий Шкрюбаны 10:0 есебімен ұтты.
Турнирдің 1/8 айналымында Тұрсынов венгриялық Иштван Такашпен белдеседі.
Сондай-ақ, бүгін боз кілемге Сұлтан Әсетұлы (63 келі) мен Алмат Кебіспаев (67 келі) шығады.
