Мемлекет басшысы АҚШ Президенті Дональд Трампқа көңіл айту жеделхатын жолдады
Президент Қасым-Жомарт Тоқаев АҚШ-тың Техас штатында орын алған жойқын су тасқынына байланысты Америка Құрама Штаттарының Президенті Дональд Трамптың атына көңіл айту жеделхатын жолдады, деп хабарлайды Ақорда.
АСТАНА, NEGE. Мемлекет басшысы табиғи апат салдарынан көптеген адамның, оның ішінде балалардың қаза табуына байланысты терең қайғыға ортақтасып, қаза тапқандардың жақындары мен туыстарына шынайы көңіл айтты.
Сондай-ақ Президент Тоқаев зардап шеккен азаматтардың тез сауығып кетуіне тілектестік білдірді.
