Масканы қашан шешеміз?
Адамдар маска тағу қажеттілігінен вакцина арқылы қорғалғаннан кейін ғана арыла алады. Бұл туралы Роспотребнадзордың басшысы Анна Попова мәлімдеді.
Алматы, NEGE. Анна Попова маска тағу қанша уақытқа созылатынына қатысты ойын айтты.
«Меніңше, біз масканы өмір бойы тағып жүрмейміз, қорғанудың басқа әдісін табамыз. Бүгінде бізді қорғай алатын вакцина бар және бізде маскамен жүру қажеттілігі болмайды», – дейді Попова.
Сондай-ақ Анна Попова "Коронавируспен ауырып шыққан дұрыс па әлде бірден екпе жасаған дұрыс па?" деген сұраққа жауап берді. Оның айтуынша, вакцина салдырған дұрыс.
«Бұл белгісіз вирус, біз оны толық білмейміз», – деді ол.
