Мас күйдегі адам 6 жасар қызды алып кетпек болды
Оралда ер адам мас күйінде 6 жасар қызды алып кетпек болған. БҚО полиция департаментінің баспасөз қызметінен алынған мәліметінше, оқиға 2 тамыз күні Зачаган кентінде болды.
Алматы, NEGE. Сағат шамамен 21:30-да Зачаган полиция бөліміне белгісіз ер адамның Мұрат Мөңкеұлы көшесіндегі тұрғын үйдің ауласынан 6 жасар қызды алып кетпек болғаны жөнінде хабар түскен. Оның бұл әрекеті видеоға түсіп қалған. Қазіргі кезде қыздың анасының арызы Зачаган полиция бөлімінде тіркелді. Ер адам ұсталды. Оқиғаның мән-жайы анықталу үстінде. Кейін процессуалдық шешім қабылданатын болады. Күдікті орта дәрежелі мас күйінде болған.
