Марғұлан Сейсембайдың қыр соңына түсіп алған кімдер?
Танымал бизнесмен Марғұлан Сейсембайдың айтуынша, соңғы кездері желілерде ол туралы даурықпа әңгімелер жүр. «Менің қандай жаман, өтірікші, нашар адам екендігім турасындағы материалдар таратылуда. Қысқасы, сырты бүтін, іші түтін адам болып шықтым», – дейді ол.
Алматы, NEGE. Марғұлан Сейсембайдың сөзіне қарағанда мұның бәрін ақшаға сатылатын белсенділер, блогерлер және боттары арқылы биліктегі белгілі бір адамдардың жасап отырған ісі. «Осы істе әсіресе әбден ұсақталған, жақсылықты түсінбейтін, ешнәрсені “жайдан жай” жасамайтын ақшаға сатылғыш біреуі айрықша ынтасымен ерекшеленіп отырғанын» айтады.
«Оларға өз месседжімді жеткізгім келеді. Мен саясаткер емеспін, сіздер сияқты ешқайда сайлауға түсейін деп жатқаным жоқ. Ешкімнің алдында ақталмаймын. Сондықтан сіздердің менің беделімді түсіру мақсатында жасап жатқан тірліктеріңіз маған еш әсер етпейді. Егер менің жазылмандарымнан кімде-кім осындай былапытқа еретін болса, мұндай оңбағанды оқудан бас тартсаңыз болады», – дейді кәсіпкер.
