Маңғыстаулық тұрғыннан киік мүйіздері тәркіленді
Маңғыстаулық тұрғыннан киік мүйіздері тәркіленді, – деп хабарлайды Polisia.kz.
Алматы, NEGE. 18 тамызда Бейнеу ауылында жедел-профилактикалық іс-шара барысында киік дериваттарының заңсыз айналымына күдік бойынша жергілікті тұрғын ұсталды. Жеке үйді тінту кезінде 198 дана киіктің мүйізі тәркіленді. Аталған дерек бойынша ҚР ҚК-нің 339-бабының 1-бөлігі бойынша сотқа дейінгі тергеу амалдары жүргізілуде. Өзге ақпарат тергеу мүддесінде жария етілмейді.
Еске сала кетейік, заңнамаға сәйкес киіктерді заңсыз аулағаны, иемденгені, сақтағаны, өткізгені, тасымалдағаны үшін мүлкі тәркіленіп, 3 жылдан 10 жылға дейін бас бостандығынан айыру түріндегі қылмыстық жауапкершілік қарастырылған.
