Куба 22 елге мыңнан астам медицина қызметкерін жіберген
Куба Оңтүстік Африка Республикасына COVID-19-бен күресуге 200-ден астам медициналық қызметкерін жібереді. Бұл туралы Куба елшілігінің өкілдері хабарлады.
Алматы.NEGE. Оңтүстік Африкаға барлығы 217 медик барады, олардың ішінде эпидемиологтар, вирусологтар, отбасылық дәрігерлер бар. Олар елдің әр өңірінде жұмыс істейтін болады. Бүгінде Оңтүстік Африка Республикасында коронавирусты жұқтырғандар саны 4,5 мыңға жуықтады. Көз жұмғандар саны 86-ға жетті. Айта кетері, Куба пандемиямен күресу үшін 22 елге мыңнан астам медицина қызметкерін жіберген. Аралдың өзінде жағдай тұрақты. Індет басталғалы онда 1,5 мыңға жуық науқас тіркелген. МейірбикеТереза Де Ла Круз: "Қазіргі жағдайда адамдарға ынтымақтастық пен ниеттестік қажет. Егер біз барлығымыз бірге әрекет етсек, коронавирустың таралуын тоқтата аламыз. Басқа елдерге пандемияны жеңуге көмектесу жақсы және ұлы іс дер едім" деді.
