Коменданттық сағат COVID-19 тоқтата алмады
Соңғы күндері Францияда науқастар саны 10 пайызға өскен.
Алматы, NEGE. Қазан айынан бері алғаш рет ауыр жағдайда 3 мыңнан астам адам ауруханаға түсті. Олар елдегі жан сақтау бөлімдеріндегі барлық төсек орындарының 30 процентін құрайды. Кей аймақтардағы ауруханалар науқастар нөпіріне төтеп бере алмай әлек. Сондықтан үкімет үшінші рет локдаун жариялауы мүмкін. Бұдан басқа, мектептегі демалыс мерзімін ұзарту мәселесі де қарастырылып жатыр. Сондай-ақ аймақтар арасындағы жүріс-тұрысқа шектеу салу қарастырылуда.
