Қазақстанда авиаотын бағасы 890 долларға дейін арзандайды
Мемлекет басшысының сынынан кейін авиаотын бағасы 890 долларға дейін төмендейді.
Астана, NEGE. Кеше өткен Құрылтайда Президент елдегі әуежайларда авиаотын құны көрші елдермен салыстырғанда тым жоғары екенін айтып, біршама тапсырма берген.
«Президенттің тапсырмасы бойынша авиахабтар үшін авиаотын бағасы тоннасына 1200-ден 940 долларға дейін төмендетіліп, кейіннен 890 долларға дейін төмендеуі жоспарланған», – деп айтты энергетика министрі Ерлан Ақкенженов.
Оның айтуынша, бұл шешім қазақстандық әуежайлардың бәсекеге қабілеттілігін арттырып, шетелдік әуе компанияларын тартуға жол ашады. Атап айтқанда, «Air Atlanta», «Hungary Airlines», «One Air» секілді ірі халықаралық тасымалдаушылардың рейс саны артуы мүмкін.
