Қазақстан Ресей Федерациясындағы Сауда өкілдігі мекемесін таратады
Үкімет қаулысының жобасы «Ашық НҚА» порталында 15 ақпанға дейін көпшілік талқылауына шығарылған.
Алматы, NEGE. «Мемлекеттік органдардың жұмысын оңтайландыру процесінің шеңберінде Ресей Федерациясымен өзара ынтымақтастықтың жоғары деңгейін ескере отырып, Қазақстан Республикасының Ресей Федерациясындағы сауда өкілдігінің жұмысын тоқтату туралы шешім қабылданды. Бұл қазіргі уақытта қазақстандық бизнес үшін Ресей бағытында жұмыс істеу және барлық операциялық мәселелерді шешу үшін институционалдық жағдайлар жасалғандығына байланысты», - деп түсіндірді Сауда министрлігі.
Ведомство мәліметінше, бұл шешім екіжақты сауда-экономикалық ынтымақтастықтың дамуына әсер етпейді.
