Көкпардан Қазақстан ұлттық құрамасы Өзбекстан көкпаршыларынан басым түсті
5-ші Дүниежүзілік көшпенділер ойындарында көкпардан Қазақстан ұлттық құрамасы Өзбекстан көкпаршыларын 16:0 есебімен жеңді.
Астана, NEGE. Көкпар ойындарының алғашқы жұбы болып алаңға Қазақстан мен Өзбекстан шықты. Жарыс Қазанат ипподромында өтті.
Бірінші таймда қазақстандық көкпаршылар 8:0 есебімен алда келе жатты. Екінші таймда есепті 16:0-ге жеткізді. Осылайша Қазақстан құрамасы А тобындағы көкпардың бірінші іріктеу кезеңінде жеңіске жетті.
Көшпенділер ойындарында көкпарға 9 мемлекеттің құрамасы қатысып жатыр. Бұл спорт түрінен барлығы 104 спортшы сынға түседі. Финалдық ойындар 12 қыркүйекте өтеді.
Сонымен қатар, бүгінгі жарыста аударыспақтан Ұлттық құраманың барлық спортшысы финалға өтті.
