Кәсіпкерлер салықтан 382 млрд теңге үнемдемек
Ұлттық экономика министрі Руслан Дәленов елімізде шағын бизнесті қолдау жөнінде сөз қозғады.
Алматы, NEGE. «Шағын бизнесті қолдауда маңызды қадам Мемлекет басшысының былтыр жариялаған бастамаларын жүзеге асыруға қатысты болды. Президенттің тапсырмасы бойынша 2019 жылы микро және шағын бизнестің табыстарын салықтан босату үшін заңнамалық база қабылданды», – деді министр, онлайн режимде халық алдында есеп бере отырып. Бұл арнайы салық режимін қолданатын бизнеске қатысты. «Салықтан босату үш жылды қамтиды, яғни 2020, 2021 және 2022 жылы іске асырылады. Нәтижесінде, 1 млн-нан астам микро, шағын кәсіпкерлік субъектісі үш жылда салық бойынша 382 млрд теңгені үнемдейді», – деді Р. Дәленов.
Бұдан бұрын хабарланғандай, министр биылғы қаңтар-сәуірде экспорт 18 млрд доллар болғанын айтты.
