Қасиетті Рамазан айындағы пітір мөлшері – Т375

болады, деді Қазақстан Мұсылмандары діни басқармасы төрағасының орынбасары, наиб муфти Ершат Оңғаров.
Алматы, NEGE. «Қазақстан Мұсылмандары діни басқармасы президиумының шешімі бойынша осы жылғы бір адамға берілетін пітір садақаның көлемі бекітілді - Т375. Пітір садақаның бағасы республика бойынша 2 кг ұнның орташа құны бойынша есептеледі», - деді Оңғаров сейсенбідегі брифингте.
Ол атап өткендей, пітір садақа мен зекетті Каспий және Халық банк пен «Киви» мобильді қосымшалары арқылы да беруге болады.
Еске салсақ, Қазақстан Мұсылмандары діни басқармасы (ҚМДБ) Фесенков орталығының мәліметіне сүйене отырып, Рамазан айының басталуын 24 сәуірге белгіледі.
Зекет – исламдағы бес парыздың бірі.