Қапшағайға Қонаевтың есімін беру ұсынысы мақұлданды
Үкіметтің жанындағы ономастикалық комиссия Қапшағай қаласына Қонаевтың есімін беру ұсынысын мақұлдады.
Алматы, NEGE. Тиісті құжат жақын арада әзірленіп, Алматы облысының әкімдігіне жіберіледі.
Айта кетейік, Қасым-Жомарт Тоқаев 16 наурыз күнгі халыққа арнаған Жолдауында Алматы облысының екіге бөлінетінін айтты. Оның ішінде Алматы облысының орталығы Қапшағай қаласына ауыстырылатынын айтты. Аталған қалаға Дінмұхаммед Қонаевтың есімін беруді ұсынса, қолдайтынын мәлімдеді.
Көп ұзамай жергілікті мәслихат Қапшағай қаласына Дінмұхаммед Қонаевтың есімін беру туралы шешім шығарды. Ал соңғы шешім республикалық ономастикалық комиссияға қалдырылды.
