Кандидат Салтанат Тұрысбекова: Әйелдердің зейнетке шығу жасын 58 жасқа дейін төмендетуіміз керек
20 қарашада өтетін кезектен тыс президент сайлауына орай бүгін кандидаттар арасында өткен телевизиялық пікірсайыс өз мәресіне жетті.
Алматы, NEGE. Бесінші болып сөз алған Салтанат Тұрсынбекова әлеуметтік мәселелер бірінші кезекте шешілуі тиістігін көтерді.
«Ең төменгі жалақы мен күнкөріс мөлшерін қайта қарау, кедейшілікпен күрес бағдарламасын әзірлеп, жүзеге асыру қажет. Баспанамен қамту мәселесін де шешу керек. Отбасыларға ана капиталын беріп, барлық баланы жәрдемақымен қамтуға тиіспіз. Ең бастысы, әйелдердің зейнетке шығу жасын 58 жасқа дейін төмендетуіміз керек», – деді кандидат.
