«Эллен» дауылы тұрғындарды әбігерге салды
Ирландияның оңтүстігінде «Эллен» дауылы бірнеше күн бойы жергілікті халықты әбігерге салып жатыр, деп хабарлайды «Хабар 24».
Алматы, NEGE. Атлант мұхитынан келген циклон аймаққа екпінді жел мен жаңбыр да әкелген. Салдарынан қала көшелерін су басып, ағаштар құлаған. Қазір билік өкілдері тұрғындарды сыртқа шықпауға шақыруда. Өз кезегінде дауыл көршілес Ұлыбританияға да жеткен. Осыған байланысты корольдіктің батыс жағалауында дауылды ескерту жарияланды.
