Екі қарақшы кәсіпкердің 700 мың теңгесін тартып алды
Түркістан облысында кәсіпкерге қарақшылық шабуыл жасаған екі адамның бірі іздестіріліп жатыр. Оқиға Сарыағаш қаласында болған. "Газель" көлігіне отырған ер адамды бетперде киген екі жігіт қарумен қорқытып, 700 мың теңгеге жуық ақша салынған сөмкесін тартып алып, ізін жасырған.
Aлматы. NEGE. Бейнекөріністе күдіктілердің әрекеті айқын көрініп тұр. Олар ақшаны алысымен, көлікке отырып, белгісіз жаққа бой тасалаған. Облыстық полиция департаментінің білікті мамандары сарыағаштық әріптестерімен бірлесіп, сезіктілердің бірін Шымкенттегі жалдамалы пәтерден тауыпты. Ол бұған дейін 3 рет сотты болған қала тұрғыны екен.
"Оқиға орнына бұлар жалған мемлекеттік автокөліктің номерімен барған. Аталған номерді қылмыстан алдын бір күн бұрын Шымкентте көшеден жасырын ұрлап кеткен. Қазіргі таңда, қасында болған екінші сыбайласы анықталып, ұстау жұмыстары жүргізілуде", – дейді Түркістан облыстық полиция департаменті басқарма басшысының орынбасары Сұлтанбек Үсіпбеков.
