Дәрігерлер Астана тұрғындарын қою түтінге байланысты көшеге шықпауға шақырды
Дәрігерлер Астана тұрғындарын қою түтінге байланысты көшеге шықпауға шақырды.
Алматы, NEGE. «Қорғалжын тас жолы мен Қосшыға қарай өтетін айналма жолдың арасында өрт тұтануына байланысты қалада түтін бұлттары мен өрт иісі байқалуда. Осыған байланысты қалалық қоғамдық денсаулық сақтау басқармасы тұрғындарды орынсыз көшеге шықпауға, пәтерлердің терезелерін жабуға, көшеде бетперде киіп жүруге шақырады. Бұл ұсыныстар ең алдымен тыныс алу жолдары аурулары бар адамдарға қатысты», - деп хабарлады қалалық денсаулық сақтау басқармасынан.
Бұрын хабарланғандай, Астананың шетінде 15 гектар аумақта кепкен шөп өртеніп жатыр, оның түтінін жел елордаға қарай ұшырып әкетті.
