Бүгін Алматы мен Шымкентте ауа сапасы нашарлайды
9 маусым күні Қазақстанның көптеген қалаларында қолайлы метеорологиялық жағдай сақталады.
Алматы, NEGE. «Қазгидромет» РМК мәліметінше, бейсенбіде еліміздегі қалалардың басым көпшілігінде атмосфералық ауа сапасы норма шегінде болады. Тек Алматы және Шымкент қалаларында қолайсыз метеорологиялық ахуал күтіледі. Қолайсыз метеорологиялық жағдайлар – атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
