Арсен Томский Михаил Шайдоровтың әкесіне уәде еткен көлігін табыстады

Алматы, NEGE. Кәсіпкер бұған дейін әлеуметтік желіде Олимпиада чемпионы Михаил Шайдоровтың әкесіне автокөлік сыйлайтынын мәлімдеген болатын.

Арсен Томский чемпионның әкесіне Audi Q8 көлігін мінгізді.

«Бір кездері Станислав Александрович ұлын қолдау үшін өз көлігін сатып жіберген еді. Бұл оқиға маған ерекше жақын. Мен де қиын кезеңде командама жалақы төлеу үшін және қаржы жетіспеген кезде екі рет көлігімді саттым. Якутия құрамасын киберспорт чемпионатына жіберу үшін де осындай қадамға бардым», – деді Томский.

Көлікті табыстау рәсімінде Станислав Шайдоров көз жасына ерік берді.

«Әрбір чемпионның артында бір кезде: «Мен саған сенемін» деген адам тұрады. Ұлы жеңістер әрдайым сенімнен басталады», – деп жазды Арсен Томский.

Сонымен қатар, ол Шайдоровтар отбасына және бүкіл Қазақстан халқына жаңа жеңіс пен қуанышқа, мақтанышқа толы сәттер тіледі.

• Тақырыпқа орай: Михаил Шайдоров Олимпиададағы алтыны үшін қандай сыйлықтар алды?