Антикор: Махамбет Абжанның отбасы мүшелерінің есепшоттары бұғатталған жоқ
Сыбайлас жемқорлыққа қарсы іс-қимыл агенттігі журналист және блогер Махамбет Абжанның отбасы мүшелерінің есепшоттары бұғатталғаны туралы жалған ақпарат тарап жатқанын мәлімдеді.
Алматы, NEGE. "Күдікті М. Абжанның отбасы мүшелерінің, оның ішінде оның кәмелетке толмаған балаларының банктік шоттарында орын алған «шектеулер» туралы ақпараттың Telegram-арналардың бірінде таратылуына байланысты, бұл ақпараттың шындыққа сәйкес келмейтінін хабарлаймыз", - деп мәлімдеді антикор.
Тергеу аясында күдіктінің өзінің ғана банктік шоттарына шектеулер қойылған. Жалған ақпарат қоғамдық пікірді басқару және тергеуге әсер ету мақсатында таратылады.
