«Алмэкс» Halyk Bank акцияларының 7,6%-ын 475 млн долларға сатты
«Алмэкс» компаниясы Halyk Bank акциялары мен жаһандық депозитарлық қолхаттарының бір бөлігін орналастыруды аяқтады. Банк жалпы орналастырылған акциялардың 7,6 пайызын сатты.
Астана, NEGE. Саудаға 17,42 млн ЖДҚ-ның халықаралық ұсынысы және параллель ішкі орналастыру ретінде 205 мың ЖДҚ мен 121,8 млн жай акция кірді.
Орналастыру нәтижесінде «Алмэкс» тобының жалпы кірісі 475,41 млн АҚШ долларын құрады. Ішкі ұсыныстың акциялары әр қағазға 298,66 теңгеден сатылса, ЖДҚ-лар 23 АҚШ долларынан сатылды.
Халықаралық ұсыныс аясында 17,4 млн ЖДҚ Қазақстаннан тыс жердегі институционалдық инвесторлар тарапынан сатып алынды, ал қалған ЖДҚ және акцияларды ел ішіндегі инвесторлар сатып алды. Өз кезегінде Halyk Bank мәміледен ешқандай кіріс алған жоқ.
Мәміле аяқталғаннан кейін ALMEX Halyk Bank акцияларының шамамен 62%-ын, яғни 6,76 млрд қағазды иемденетін бақылаушы пакетке ие болып қала береді.
