Алматыда 5 мың кітап тегін таратылды

Алматы, NEGE. Бақытжан Сағынтаев Instagram-дағы парақшасында кітап фестиваліне барғанын жазды. «Жыл сайын өтетін VII Kitap Fest кітап фестиваліне қатыстым. Кітап құмарлардың арасында жастардың көптігі қуантады», - деп жазды Алматы әкімі.

Фестиваль аясында кітап дүкендері мен баспалардың үлкен жәрмеңкесі, «Жазушылар шатырында» қазақстандық авторлардың кітаптарының тұсаукесері, пікір мен кітап алмасу, мұрағаттық фотосуреттер көрмесі өтіп жатыр. Фестиваль қонақтары 5 мың кітапты тегін алды. Санитарлық-эпидемиологиялық жағдайды ескере отырып, фестивальге ASHYQ қосымшасында «жасыл» мәртебесі бар қалалықтар қатысып жатыр. Маска режимі де сақталған.