Алматы тауларында шаңғышылар қар көшкініне себеп болған
Кіші Алматы өзені бассейнінде шаңғышылар қар көшкініне себеп болды, деп хабарлайды Tengrinews.kz.
Алматы, NEGE. 23 қаңтарда Кіші Алматы өзені алабындағы №21 "Сарқырамада" шаңғышылар қар көшкінін тудырған. Жалпы массасы 500 текше метр қар тау беткейінде тоқтаған. Қаза болғандар, зардап шеккендер жоқ.
"Қазселденқорғау" мен Алматы қаласының Төтенше жағдайлар департаменті шаңғы және сноубордпен сырғанауды ұнататындар шаңғы курорттары мен базалардағы арнайы бөлінген жерлерде сырғанауы керек екенін атап өтті. Құтқарушылар қар көшкінін тудырмас үшін тік қар басқан беткейлерге шықпауға кеңес береді.
