Алматы полициясы Рамиль Мухоряповтың пікіріне қатысты тергеу жүргізіп жатыр
27 қазанда ҚР Бас прокурорының орынбасары Әсет Шындалиев Рамиль Мухоряповқа қатысты оқиға бойынша Алматы полиция департаментінде тергеу жүріп жатқанын хабарлады.
Алматы, NEGE. "Қазір, менің білуімше, Алматы полиция департаменті тарапынан тексеріс жүріп жатыр. Тиісті сараптама тағайындалды. Сараптама нәтижесіне қарай құқықтық баға беріледі", – деді.
Естеріңізде болса, Chocofamily компаниясының негізін қалаушы Рамиль Мухоряпов қазақ тілінде сөйлесуді мәдениетсіздік деп санаған видеосы тарап кеткен болатын. Содан кейін қазақстандықтар Choco өнімдері мен қызметтеріне бойкот жариялады. Кейін Рамиль Мухоряпов халықтан кешірім сұрады.
