Алматы-Кеген тас жолын су басты
Алматы облысының Кеген ауданындағы Кеген-Ақсай тас жолын су басты.
Алматы, NEGE. Жергілікті тұрғындардың айтуынша, өңірде бұршақ аралас жауын жауған.
Жауын-шашыннан соң таудан су тасып, Ақсай ауылына жақын жолды басып қалған.
Алматы облысы Төтенше жағдайлар департаментінің хабарлауынша, бүгін, 16 шілде сағат 15:58-де Кеген ауданында, Ақсай ауылының маңында жауын-шашынның салдарынан жолды су басқан.
«Сағат 17:00-де жаңбыр басылды, «Қазавтожол» күштері жолды тазалау жұмыстарын жүргізіп жатыр, зардап шеккендер мен жарақат алғандар жоқ», – деп хабарлады Алматы облысы ТЖД.
