Алдағы күндері ауа райы қандай болады?
Синоптиктер 7-9 шілде күндері ауа райы қандай болатынын айтты.
Aлматы, NEGE. Синоптиктердің мәліметінше, алдағы күндері ауа райы құбылмалы болады.
"Қазақстан аумағының басым бөлігінде тұрақсыз ауа райы сақталады, найзағаймен өткінші жаңбыр өтеді, кей жерлерде бұршақ түсуі мүмкін, шығыста кезең басында кей жерлерде қатты жаңбыр, тұман күтіледі. Кей жерде жел күшейеді, оңтүстікте шаңды дауылмен желдің күшеюі болжанады. Республика бойынша ауа температурасы біртіндеп жоғарылай бастайды, ал батыста және оңтүстікте кей жерлерде қатты ыстық күтіледі", - деді синоптиктер.
