Алатау ауданының әкімі ұсталды
Алматы қаласы Алатау ауданының әкімі мен оның орынбасары сыбайлас жемқорлыққа күдікті деп танылған. Бұл туралы ҚР сыбайлас жемқорлыққа қарсы іс-қимыл агенттігінің баспасөз қызметі хабарлады.
Алматы,NEGE, «Аудан әкімі мен оның орынбасары ұсталып, Алматы қаласының ДП уақытша ұстау изоляторына қамалды. Алдын алу шарасын таңдау туралы мәселе шешілуде. Күдіктілердің кінәсінің деңгейі туралы түпкілікті шешімді сот шығарады », - деді агенттік.
Еске сала кетейік, күдіктіні Бақытжан Сағынтаев тағайындаған. «Мемлекет басшысының дарынды жастар үшін ашық және тиімді әлеуметтік лифт құру жөніндегі идеясы іске асуда. Алматыдан резервтер қатарына 39 адам енді. Бүгінгі кандидаттар – аудандар әкімдері болып қызмет атқаруға барынша дайындықтан өткендер. Біз олардан аталған аудандарда тұратын алматылықтардың өмір сүру сапасын жақсартуда нәтижелі жұмыстарды күтеміз», — деген еді Алматы әкімі Бақытжан Сағынтаев Алатау әкімін тағайындаған сәтте.
