Ақтөбе облысында балаларға бұрыш баллонын шашқан жасөспірім қамалды
Ақтөбе облысында екі балаға бұрыш баллонын шашқан жасөспірім уақытша қамау изоляторына қамалды.
Алматы, NEGE. Жасөспірім Қазақстан мен Ресей шекарасынан өтпек болғанда ұсталған еді.
«Балаларға қарсы газ құтысын қолдану фактісі бойынша ұсталған кәмелетке толмаған күдікті уақытша ұстау изоляторына қамалды», – делінген Ақтөбе облысы полиция департаментінің хабарламасында.
Еске салайық, оқиға 6 шілдеде болған еді. Әлеуметтік желіде тараған видеодан жасөспірімнің балалардың жанына келіп, бұрыш баллонын сепкенін көруге болады.
Сондай-ақ видеода күдікті «1488» деген сандарды атаған. Аталған сандар неонацистер мен ұлтшылдардың құпия ұраны болған.
