Ақмола облысында орманда жоғалған ерлі-зайыптылар аман табылды
Ақмола облысында орманда жоғалған ерлі-зайыптылар аман-есен табылды, деп хабарлайды облыстық полиция департаментінің баспасөз қызметі.
Алматы, NEGE. Ведомствоның мәліметінше, жоғалған адамдар бүгін қазанның 21-де күндізгі уақыт 14:00 шамасында Бәйтерек ауылынан 35 шақырым жердегі орман алқабынан табылған.
«Алтынай Балтақожақызы түнде орманда өте суық болғанын айтты. Жұбайы екеуі жол іздеп шаршаған. Жолдасы Қайыржан Баржақсымұлы таяқтың көмегімен қозғалады. Ерлі-зайыптылар өздерін іздеуге қатысқандардың барлығына алғысын жеткізді. Үйлесімді іс-әрекет пен күш-жігердің арқасында ерлі-зайыпты Баялиндердің өмірі мен денсаулығына қауіп жоқ», - деді ведомстводан.
Еске сала кетсек, Ақмола облысында орманда жоғалған ерлі-зайыптыларға іздеу жарияланған болатын.
